O noso Blog

Actividades en familia: Roteiro Nogueira-Naves

Este sábado desfrutamos do Roteiro Nogueira-Naves dentro do programa Actividades en Familia para este Nadal.
 
Un total de 21 persoas, paseamos polas nosas montañas máis próximas, festexando o Día Internacional das Montañas, coñecendo o seu hábitat, os seus pobos, a súa etnografía e aos seus habitantes. 
 

Campamento Ambiental de Nadal

 Apúntate xa ao Campamento Ambiental de Nadal en Ourense.
 
Este nadal propoñémosvos en Ourense unha gran aventura para os/as vosos/as pequenos/as, un campamento diferente onde poderán interactuar coa natureza da nosa cidade.  O campamento será tematizado, con persoaxes fantásticas que serán as que cada día desenvolvan as actividades. O fío conductor, será un conto fabuloso, no que cada actividade e obradoiro estará guiado polo mesmo.
 

Participaremos na Feira de Entidades de Voluntariado

Este sábado 5 de decembro, estaremos na Feira de Entidades de Voluntariado do Concello de Ourense para festexar o Día Internacional do Voluntariado.
 
Amosaremos o noso traballo, e estaremos facendo actividades divertidas nas que podedes participar, e nas que haberá algún agasallo naturalmente fermoso, para festexar o Día Mundial do Solo.
 
Tamén estaremos nas seguintes actividades:
 

Saída de outono de sondaxe de fauna

O día 2 de decembro faremos a 4ª e última Saída de Seguemento de Carnívoros Medianos na cidade de Ourense deste ano, correspondente á estación de outono.
 
Coma nas anteriores sondaxes, o horario será de 9 a 14 h. aproximadamente, na que realizaremos transectos de identificación de indicios de fauna e supervisaremos as cámaras de fototrampeo colocadas.
 

Actividades en familia para este nadal

Propoñémosvos para esta tempada de Nadal varias actividades para facer en Ourense, en compañía das persoas as que máis queredes e coas que vos gusta compartir o máximo de tempo posible.
 
Xa sabemos que xantaredes en familia e que abriredes os agasallos de Nadal xunt@s, aínda así, queremos que defrutedes con nós doutras formas creativas, divertidas e sostibles co Medioambiente, para que en familia, gocedes a compañía uns/unhas doutr@s durante a tempada do Nadal. Por iso queremos presentarvos o programa Actividades en Familia:
 

Páxinas

Subscribirse a O noso Blog