O noso Blog

E por fin temos novas do noso voluntario europeo en Polonia! 
Matías Bas cóntanos no blog de Experiencias do SVE de Sustinea, como está a vivir a primavera neste país. Está que non para! Dende actividades con cativ@s, até xuntanza con outros SVE en Varsovia e pasando por moitas actividades de lecer e formativas.

Sustinea, dentro do proxecto que levamos a cabo na Horta da Alfádega "Escola para a Sostibilidade", queremos presentarvos o novo curso teórico-práctico "Remedios naturais con plantas para curar plantas", que será impartido o próximo 19 de maio, co obxectivo de que as persoas participantes coñezan as diferentes pragas e enfermidades máis comúns do xardín e a horta, saber os seus síntomas para identificalas correctamente e as formas naturais de combatelas, para seleccionar aquela solución máis acorde á patoloxía sufrida.