Campo de Traballo Muíños 2018

De Xapón, Rusia, República Checa, Córdoba, Sevilla, Zaragoza, Madrid, Las Palmas, Cáceres, Barcelona, Lalín, Ourense a... MUÍÑOS!
Acondicionando o roteiro dos Muíños da Torrente e desenvolvendo un amplo dispositivo de difusión para promocionalo, mozos e mozas chegados dende os confíns da Terra, compartiron suor, música, ensinanzas e moita natureza durante 12 días .
Entre sachos e fouciños tivemos tempo para pintar un mural, ir ata Puxedo e facer pan no seu fabuloso forno, tornar no tempo a través da Festa da Istoria de Ribadavia, facer unha festa de despedida (roteiro incluído) coa xente de Mugueimes e, sobre todo, seguir aprendendo sobre o Parque Natural Baixa Limia - Serra do Xurés da man dos seus guías.