II NOADAS: Encontros vivenciais e creativos de/para/entre mulleres

Xa chega a 2ª Noada, o encontro mensual vivencial e creativo de/para/entre mulleres que levamos a cabo na cidade de Ourense.

Neste segundo encontro seguiremos traballando dende adentro, en base ás necesidades de cada unha. Traballaremos para volver a levar toda a nosa atención ao útero, para volver a integralo na nosa anatomía, para ver como está, como se atopa, cales son as partes, a ciclicidade femenina, os arquetipos, ver como é o funcionamento durante todas as etapas, sobretodo para sentilo e conectarnos con el de forma consciente. Ademais, Erika Falcon na pasada Noada mostrounos técnicas e exercicios moi beneficiosos nos que seguiremos traballando e ampliando neste encontro.

Se non puideches vir á anterior Noada non te preocupes, achégate nesta ocasión e comeza esta fermosa aprendizaxe. Un tempo para nós, as mulleres, co común que nos une, coa  multiplicidade que nos diferencia e identifícanos como seres únicos. Un espazo para aprender sobre a psicoloxía feminina, de crecemento persoal, que nos permite despregar recursos, optimizar as nosas potencialidades, intercambiar experiencias, desenvolver a creatividade, ampliar as nosas redes sociais, descubrirnos, explorar, recoñecernos e sanar. Un espazo para contactar coa nosa vida máis intuitiva e coa nosa sabiduría.

Lembrando o movemento entorno ao 8 de marzo deste ano, e baixo o lema "Querémonos libres, escoitadas, fortes, respectadas e xuntas" que nos grabamos na mente, propómosvos estes encontros vivenciais e creativos.
 
Estamos seguras de que cando un número decisivo de persoas transforme a súa actitude ou comportamento, a cultura na súa totalidade tamén se transformará e comezará unha nova era. Desta forma convidamos ás mulleres para tomar parte neste cambio de era que estamos a vivir e achegar coa nosa sabedoría e as nosas virtudes intimamente femininas á transformación da humanidade.
 
Cada Noada será tematizada, coa visita dunha experta en cada materia a traballar: xinecoloxía natural, fertilidade consciente, sexualidade, relacións, círculo de palabra, meditacións activas, xogos psicodramáticos, círculo de voces, dinámicas de  sanación e intención, etc.
 
2ª Noada será o 18 de xullo ás 19:30 horas. Máximo 15 persoas.
 
Para inscribirse é preciso enviar un email a info@sustinea.org ou chamar ao 988 782 964.
 
A aportación será de 18 euros cada Noada.
 
Únete connosco a compartir esta fermosa aprendizaxe. Agardámoste!

 

 

Engadir un novo comentario

Deixa os teus comentarios
CAPTCHA
Esta cuestión é para probar se vostede é un visitante humano e para previr envío automático de spam. Por seguridade, o sistema é sensible ás maiúsculas e minúsculas.
Image CAPTCHA
Enter the characters shown in the image.