Campaña Adopta unha árbore

No país no que a AUGA é arte rendémoslle homenaxe no seu día achegándonos ao Río Loña cun amadriñamento simbólico dun tramo do bosque de ribeira. O CIFP Portovello foi o protagonista desta xornada na que o alumnado comprometeuse na custodia deste espazo natural que aproveitan como recurso para levar a cabo moitas das actividades do centro.

Onte levamos a cabo a posta a punto para o Concurso Naturaliza Ourense dentro da Campaña Adopta unha árbore.
 
Deixámosvos unha mostra das árbores e as persoas que participaron. Dende a reivindicación de máis zonas verdes, ata as árbores enfermas, o exceso de lixo e cabichas, ata a necesidade de manter a Biodiversidade na nosa cidade. Unha chea de ideas que deron nestas imaxes.