Este sábado estivemos de ruta en Oímbra, comarca de Monterrei. Fixemos a ruta dos Lagares, estruturas históricas utilizadas para prensar a uva. Na actividade puidemos gozar da paisaxe e do patrimonio sociocultural dos nosos devanceiros, coñecendo o uso dos Lagares, a actividade vitivinícola e a biodiversidade. Foi un día precioso para aprender nun lugar cheo de maxia e historias gozando do legado da nosa terra!
