Somos unha asociación non lucrativa que fixa o Desenvolvemento Sostible como alternativa á degradación natural e como saída ás necesidades locais.
Esta iniciativa xurde de diversas persoas relacionadas co sector medioambiental, que preocupadas pola súa situación queren afrontar os seus problemas aportando experiencia e coñecementos técnicos.
Os nosos fins son o estudo, a divulgación, defensa do Medioambiente e a promoción dun cambio posible e necesario, da relación do ser humano coa Natureza actuando para promover un modelo sostible, de ahí xurde o nome da asociación, Sustinea.
Como traballamos?
Sustinea conta de xeito estable cun equipo multidisciplinar de profesionais tituladas/os con grande experiencia no desenvolvemento de cada programa e actividade. A formación continua, a innovación, a creatividade e a implicación do equipo de persoas que forman Sustinea, constitúen as bases do noso Proxecto.
A repartición de funcións realízase a partir do tipo de tarefa, o perfil da persoa e as súas preferencias persoais e profesionais, xogando un papel fundamental a comunicación e coordinación interna entre os diferentes membros do noso equipo.
Todo o equipo humano está altamente motivado e implicado co colectivo e participa activamente en actividades, formacións, programas para actualizarse e poder dar resposta axeitada á diversidade de accións que se lles demanda e á ampliación dos seus ámbitos de traballo.
Rexistros nos que nos atopamos
Sustinea atópase inscrita nos seguintes Rexistros:
- Rexistro Nacional de Asociacións.
- Censo de Entidades Xuvenís e Prestadora de Servizos á Xuventude.
- Rexistro de Entidades de Acción Voluntaria de Galicia.
- Rexistro de Entidades de Carácter Ambiental da Comunidade Autónoma de Galicia.
- Rexistro de Entidades Cidadáns do Concello de Ourense.
- Rexistro Único de Entidades Prestadoras de Servizos Sociais.
Comentarios recentes