Coñece Sustinea
Sustinea somos unha entidade sen ánimo de lucro de ámbito estatal que fixa o Desenvolvemento Sostible como alternativa á degradación natural e como saída ás necesidades locais.
Traballamos para conseguir o benestar de todas as persoas dentro dos límites do planeta.
Para iso buscamos cómplices entre a cidadanía, as organizacións da sociedade, as empresas e as administracións públicas, para acelerar a transición a unha economía verde, inclusiva e responsable, enmarcada na revalorización do capital social.
Os nosos fins son a protección da Biodiversidade en todas as súas formas, a promoción de alternativas baseadas no Desenvolvemento Sostible, a construcción dunha sociedade igualitaria, xusta e solidaria e a promoción da educación integral a todos os niveis e en todos os ámbitos, social, ambiental e cultural.
Qué facemos?
Conservamos a natureza
A nosa preocupación pola medio natural máis achegado e a súa defensa para integralo nos proxectos de futuro é un estímulo constante no noso traballo. Prestamos apoio e deseñamos alternativas sostibles para as diferentes administracións coa finalidade de establecer solucións ambientais aos proxectos emprendidos por estas.
Divulgamos e sensibilizamos
Poder explicar as diversas realidades ambientais, as súas causas e efectos de forma sinxela e amena para os diferentes públicos, é un reto fascinante co que camiñamos da man. Organizamos campañas de sensibilización, proxectos educativos, material didáctico e divulgativo e campamentos ambientais.
Deseñamos proxectos de desenvolvemento local
Pensamos global e actuamos localmente para axudar a emprender camiños construídos polo progreso e o respecto polo entorno. Elaboramos e implementamos iniciativas locais coa finalidade de sentar as bases para un futuro sostible.
