O PROXECTO
Con esta acción buscamos configurar na cidade de Ourense un modelo de habitabilidade no que persoas maiores que vivan soas acedan a compartir a súa vivenda cunha persoa xove.
As bases do proxecto son:
Un acompañamento permanente das persoas participantes con atención personalizada dende o primeiro momento e a promoción e da solidariedade entre xeracións.
Trátase dun modelo convivencial con certa bagaxe noutras comunidades (tanto nacionais como internacionais) que suscita elevado interese dada a posibilidade de dar resposta a dúas problemáticas sociais:
Por un lado, identifícase un elevado índice de soidade non desexada entre as persoas maiores de 60 anos do contexto ourensán.
A falta dunha resposta estandarizada ante isto afecta directamente á calidade de vida destas persoas.
Por outra banda, a xuventude ourensana atopa serias dificultades no aceso a unha vivenda digna con prezos xustos.
Esta situación agrávase ao ter en conta que a meirande parte das persoas estudantes deben desprazarse dos seus lugares de orixe para aceder aos centros de formación.
Dende Sustinea, sensibles ante estas problemáticas, volcamos os nosos esforzos na creación e consolidación dun modelo de convivencias interxeracionais, poñendo o foco na solidariedade e no voluntariado entre xeracións.
FASES DO PROXECTO
| DIFUSIÓN E CAPTACIÓN | INICIO DAS CONVIVENCIAS | SEGUIMENTO |
| Cartelería e publicidade | Entrevistas presenciais | Persoas de referencia |
| Encontros informativos do proxecto | Configuración das convivencias | Chamadas e visitas |
| Apertura do forms de preinscrición | Acordos de Convivencia | Acompañamento permanente |
Serán tamén organizados encontros e talleres de formación coa finalidade de asegurar convivencias satisfatorias para as participantes
PARTICIPA!
Contacto:
Correo electrónico: xerando.conexió[email protected] // [email protected]
Teléfono: 988 782 964
Dirección: R/Aturuxo, 1 (Baixo), 32002
Coa colaboración de:
