Xa estamos a traballar no Viñedo Interxeracional
Hai un par de meses contabámosvo-lo proxecto. Hoxe contamos que xa é unha realidade.
No Ribeiro, 12 persoas voluntarias (6 maiores de 55 anos e 6 mozas e mozos de 16 a 35) forman 6 parellas interxeracionais que están a recuperar o patrimonio vitivinícola de Ribadavia, Boborás e O Carballiño. E o mellor: están a facelo xuntas.
Que estamos a facer?
🌱 Protexendo o ambiente
Xa estamos a consolidar socalcos afectados polos incendios e o abandono. Plantamos especies autóctonas (xestas, urces, codecos) nas beiras dos viñedos para frear a erosión e mellorar a biodiversidade.
🍇 Revitalizando o agro
Comezamos a recuperar viñedos abandonados. Mentres traballamos a terra, os nosos voluntarios e voluntarias están a formarse en viticultura ecolóxica e de precisión.
📱 Poñendo en valor a cultura
Estamos a deseñar a Ruta do Viño Interxeracional e a gravar os primeiros contidos dixitais. As persoas voluntarias máis maiores explican a historia e os máis novos trasmutarán o seu saber en contido dixital accesible para todo o mundo.
Intercambiamos Saberes!
As persoas voluntarias mais maiores achegan a memoria e o oficio.
A mocidade achega forza e competencias dixitais.
O resultado: un diálogo de saberes que xa está a dar froitos.
Non debemos deixar que o legado do viño do Ribeiro sexa só unha lembranza. Debemos convertelo nun futuro próspero, construído entre todas e todos.
Seguiremos traballando e contando.
